4

തി​രു​വ​ന​ന്ത​പു​രം: തൊ​ണ്ടി​മു​ത​ൽ തി​രി​മ​റി​ക്കേ​സി​ൽ ആ​ന്‍റ​ണി രാ​ജു​വി​ന്‍റെ അ​പ്പീ​ൽ തി​രു​വ​ന​ന്ത​പു​രം പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി ഇ​ന്ന് പ​രി​ഗ​ണി​ക്കും. തൊ​ണ്ടി​മു​ത​ൽ കേ​സി​ൽ ല​ഭി​ച്ച മൂ​ന്ന് വ​ർ​ഷ​ത്തെ ത​ട​വു​ശി​ക്ഷ റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​ണ് അ​പ്പീ​ൽ.

കേ​സി​ൽ ര​ണ്ട് വ​ർ​ഷ​ത്തി​ന് മു​ക​ളി​ൽ ശി​ക്ഷ വി​ധി​ച്ച​തി​നാ​ൽ‌ ആ​ന്‍റ​ണി രാ​ജു​വി​ന് എം​എ​ൽ​എ പ​ദ​വി ന​ഷ്ട​മാ​യി​രു​ന്നു. കു​റ്റ​പ​ത്രം ന​ൽ​കി 19 വ​ർ​ഷ​ങ്ങ​ള്‍​ക്ക് ശേ​ഷ​മാ​ണ് എ​ൽ​ഡി​എ​ഫ് നേ​താ​വ് പ്ര​തി​യാ​യ കേ​സി​ൽ വി​ധി വ​രു​ന്ന​ത്.

അ​ടി​വ​സ്ത്ര​ത്തി​ൽ ല​ഹ​രി വ​സ്തു ഒ​ളി​പ്പി​ച്ച് കേ​ര​ള​ത്തി​ലെ​ത്തി​യ​പ്പോ​ള്‍ പി​ടി​ക്ക​പ്പെ​ട്ട ഓ​സ്ട്രേ​ലി​യ​ൻ പൗ​ര​ൻ സാ​ൽ​വ​ദോ​ർ സാ​ർ​ലി​യെ ര​ക്ഷ​പ്പെ​ടു​ത്താ​ൻ ശ്ര​മി​ച്ച​തി​നാ​ണ് ആ​ന്‍റ​ണി രാ​ജു​വി​നെ​യും കോ​ട​തി ക്ല​ർ​ക്ക് ജോ​സി​നെ​യും കോ​ട​തി ശി​ക്ഷി​ച്ച​ത്.

1990 ഏ​പ്രി​ല്‍ നാ​ലി​നാ​യി​രു​ന്നു സാ​ൽ​വ​ദോ​ർ സാ​ർ​ലി പി​ടി​യി​ലാ​യ​ത്. 10 വ​ർ​ഷം ശി​ക്ഷി​ച്ച വി​ദേ​ശ പൗ​ര​നെ ര​ക്ഷി​ക്കാ​ൻ തൊ​ണ്ടി​മു​ത​ലാ​യ അ​ടി​വ​സ്ത്രം അ​ഭി​ഭാ​ഷ​ക​നാ​യ ആ​ന്‍റ​ണി രാ​ജു ക്ല​ർ​ക്കി​ന്‍റെ സ​ഹാ​യ​ത്തോ​ടെ കോ​ട​തി​യി​ൽ നി​ന്ന് പു​റ​ത്തേ​ക്കെ​ടു​ത്ത് വെ​ട്ടി ചെ​റു​താ​ക്കി വീ​ണ്ടും കോ​ട​തി​യി​ൽ വ​യ്ക്കു​ക​യാ​യി​രു​ന്നു. തൊ​ണ്ടി​വ​സ്ത്രം പ്ര​തി​യു​ടേ​ത​ല്ലെ​ന്ന പ്ര​തി​ഭാ​ഗ​ത്തി​ന്‍റെ വാ​ദം അം​ഗീ​ക​രി​ച്ചാ​ണ് നാ​ല് വ​ർ​ഷ​ത്തി​ന് ശേ​ഷം ഹൈ​ക്കോ​ട​തി സാ​ൽ​വ​ദോ​റി​നെ വെ​റു​തെ വി​ട്ട​ത്. ഈ ​കേ​സി​ൽ തെ​ളി​വ് ന​ശി​പ്പി​ക്ക​ൽ, ക​ള്ള​ത്തെ​ളി​വ് ഉ​ണ്ടാ​ക്ക​ൽ, ഗൂ​ഢാ​ലോ​ച​ന, വ്യാ​ജ രേ​ഖ​യു​ണ്ടാ​ക്ക​ൽ എ​ന്നി​വ​യ്ക്കാ​ണ് ആ​ന്‍റ​ണി രാ​ജു​വി​നെ​യും ജോ​സി​നെ​തി​രെ​യും കോ​ട​തി ശി​ക്ഷി​ച്ച​ത്.